|
| 呢兩日,雖然係聖誕節,但係都係係工作中渡過,其實,以前諗都無諗過,咩叫公作中渡過,以前細個,見到好多地方,過時過節又開,打風落雨又開,真係會覺得好方便,但係總會為佢地覺得難過,雖然我唔知道佢地個心係唔係一定自願,但係大個左之後,我總算明白,出黎做野就係咁,唔係話你唔想返就唔想返,其實聖誕節真係好想出街,不過做左一年,時間就一年;係公司做左一年,時間就係公司渡過左一年。唔知係唔係我自己問題,但係真係覺得事實就係咁,一天十五個半鐘既工作時間,對我黎講真係太辛苦,有時老實說,我唔係唔甘心花時間工作,而家想花時間落自己既興趣身上,而家,自己既夢想好似幻滅咁,好似完全無哂心情諗,廿三號返足四分三日,凌晨兩點回到家,食飯沖涼後,原來計劃不睡到蘭桂芳飲酒,但係太累又取消左,之後差不多三點幾訓,四個幾鐘後再續,平安夜以半睡狀態返工,依舊到雪櫃幫客人,唔知係唔係唔夠訓,記性差到無人能及,廿四號可以算係部門最團結既一日,我覺得好正,大家都可以好享受咁工作,結果,工作在廿四號,比上年賺多了約十萬生意,雖然唔知佢有冇滿足,但係我覺得以經唔錯,可以對得住自己了。其實,明年四月考琴,有可能嗎?考的是演奏級,好似好高咁,但係自己覺得好似唔係太高咁,往年還有少許信心,但到左而家,我好似都抓不住信心,我怕明年四月會Fail,希望有可能既話,我可以做到「以興趣為工作,以工作為興趣....」
| | |
| 今日算係好無聊咁渡過,其實,呢排好似完全無聖誕節既氣氛,呢排真係發生左好多事,從上一篇日記開始計起,已經接近半年時間,呢半年內,我真係學識左好多野,同樣地都睇到好多野,係呢個世界,真係有好多野係自己唔知道既,同樣地,更加有好多對自己不利既野,到左尋日終於完全咁解決左,雖然唔可以叫做完全解決,但係最少可以維持一段時間,可以比我地知道有d人,一直以來係點樣對自己,自己應該更加小心身邊每一個人,我知道咁樣做,唔係一種應有既做人態度,但係本住「害人之心不可有,防人之心不可無」既宗旨,我會好好重新評估一下每一個人,自己覺得,係呢半年,自己真係變左好多,睇返一年前既日記,自己好似老左好多咁...呵呵..講真,我知道自己做野唔會再好似以前咁馬虎,而且學識左好多野,芝士,肉,超市裡既貨,最重要係我最開心,就係學到好多英文,完全無諗過可以同一個由加拿大返黎既人一齊返工,一齊做野,更加無諗過佢會肯教我咁多英文,我已經唔知可以用咩黎多謝佢,雖然唔知佢有無目的,但係我都希望佢可以鍾意佢將來要去既新地方,我都祝佢做得更加開心.
而家,我真係開始覺得無哂目標,已經唔再係呢度見到,我好想見到一個光明既出口,可以比我離開....呢度,比左我好多野,亦令我失去左好多野....
| | |
| 返工放工返工放工...呢個零月既schedule...日本小朋友好cutie呀~好愛唱歌同說話!
呢排成日發埋同幾個夢,我發覺橙色地鐵站經常會出現係我既夢中...但係呢個站並唔係天后...而且呢個站有洗手間,重係加大地鐵站,呢個站,幾乎佔了六,七個地鐵站,呢個地鐵站不單只面積大,扶手電梯也特別多,每次都是和某一堆人在地鐵站尋找洗手間,每次都要經過萬重山般的距離,才找到洗手間...很奇怪地,我對這個地方好像非常的熟悉,有似曾相識的感覺...我在想,這個地方真的存在嗎??如果存在,又在那時那日跟誰去過呢??
我發覺廁所並不只是白天才會去,晚上做夢的時候也可以去哦,但是地點卻無處不在,客廳試過,中環交易廣場也試過,曾經夢見過我在一間黑房裡,用鐵碟子小便也試過!還有一個好像是在長沙灣的商場,也是找不到...我發現,每一次做夢要去洗手間,也是快忍不住或者是找了很久才找到...夢醒的時候也是要去洗手間...
| | |
|
